ថ្ងៃឈឹចាប់ ថ្ងៃប្រសូត្រ

. លុះគ្រប់ដប់ខែ ម៉ែកូនផ្សង

គ្រោះកាចទាំងពួង ឆ្លងទន្លេ

  ថ្ងៃផ្សងជីវិត  ណាអ្នកមេ

ឆ្លងផុតទន្លេឬគ្រោះថ្នាក់ ។

. តើនរណាឡើយអាចដឹងបាន

ថាម៉ែកល្យាណរបស់អ្នក

  មានបុណ្យវាសនាផុតគ្រោះថ្នាក់

បានឃើញមុខអ្នកកូនមាសម្តាយ ។    

. ព្រោះថាថ្ងៃនោះម៉ែទុក្ខធំ

ថ្ងៃម៉ែអ្នកយំថ្ងៃអន្តរាយ

  ថ្ងៃម៉ែយើងស្លាប់ថ្ងៃបែកកាយ

ឈាមម៉ែហូរធ្លាយពេញប្រថពី  ។

. គ្មានថ្ងៃណាឈឺជាងថ្ងៃនោះ

ថ្ងៃម៉ែឈឹពោះឆ្លងទន្លេ

  ម៉ែស្រែក ម៉ែយំ ម៉ែនឹករេ

កូនក្នុងផ្ទៃម៉ែឱ្យផុតភ័យ ។

. រាង្គកាយហេវហត់ ស្លក់ស្លេកប្រាណ

កំលាំងធ្លាប់មានប្រែល្ហិតល្ហៃ

  ឈាមខ្សោះពីប្រាណបាត់ស្មារតី

ហប្ញទ័យជាប់កូនគ្រប់នាទី   ។

. ពេលកូនប្រសូត្រម៉ែឈឹចាប់

រហូតសន្លប់បាត់ស្មារតី

  លុះពេលបើកភ្នែកឃើញកូនថ្លៃ

ឈឹចាប់នោះម៉ៃម៉ែភ្លេចអស់  ។             

. សល់តែញញឹមឱ្យកូនថ្លៃ

ម៉ែលើកថ្នមបីកូនស្រីប្រុស

  ជាប់នឹងទ្រូងម៉ែបំបៅដោះ

ឈាមម៉ែហូរខ្សោះអស់ពីកាយ ។

. ក្តីស្រឡាញ់ម៉ែធំឥតបី

ធំធេងគ្មានអ្វីអធិប្បាយ

  ព្រហ្មវិហារធម៌នៅក្នុងកាយ

ចិញ្ចឹមកូនម្តាយរហូតមក  ។