នេះគឺព្រះគុណម៉ែ

-ម៉ែលះបង់

សម្ផស្សស្អាត

មកពរពោះ

ប្រាណស្លេកស្លក់

ធ្ងន់មុខក្រោយ

ម៉ែទ្រាំបាន

មិនធុញទ្រាន់

រក្សាគភ៌

ដោយស្មោះស្មាន

រកផ្ទឹមគ្មាន

ហ៊ានលះបង់

ដូចអ្នកម៉ែ  ។

-គ្រប់ដប់ខែ

ម៉ែប្រសូត្រ

ដួងជីវិត

ម៉ែស្នេហ៍ស្និទ្ធ

ជិតកៀកកើយ

ហើយថ្នមថែ

ទោះលំបាក

យ៉ាងណាក្តី

ឥតត្អូញត្អែ

សុដនម៉ែ

បង្កើតទឹក

ឱ្យកូនបៅ ។

-មិនឱ្យរុយ

ស្រមោចមូស

វារំលង

ម៉ែស្នេហ៍ស្នង

កូនពៅម្តាយ

ឥតហ្មងសៅ

ជាងទ្រព្យធន 

ឬមាសប្រាក់

ដែលមាននៅ

ស្រឡាញ់ពៅ

ជាងជីវិត

មិនប្រែក្លាយ

-ឃើញកូនសុខ

ម៉ែរំភើប

តាមកូនដែរ

ម៉ែទុក្ខទ្វេ

ពេលកូនឈឺ

មិនសប្បាយ

អត់ងងុយ

នៅចាំថែ

ក្បែររាងកាយ

ទ្រូងស្ទើរធ្លាយ

បើដឹងថា

កូនអាប់ជោគ

-គ្រាកូនឃ្លាន

ម៉ែឃ្លានជាង

នាងសំរក់

ទឹកភ្នែកស្រក់

បារម្ភកូន

ស្វះស្វែងរក

ឱ្យកូនបាន

ទោះម៉ែអត់

សល់សំបក

ម៉ែមិនខក

លះបង់បាន

ឱ្យកូនឆ្អែត     ។

-តើនរណា

ចាំអប់រំ

ផ្ទំនិស្ស័យ

កូនដឹងក្តី

នៅមិនធុញ

ចាំថ្នមថែ

ព្រះគុណណា

ប្រៀបឱ្យស្មើ

ព្រះគុណម៉ែ

អ្នកស្មោះស្នេហ៍

ស្រឡាញ់ពិត

គឺម៉ែកូន ។